العراقي الاصيل
مشرف منتدى الشعر
عدد الرسائل : 138
العمر : 39
الموقع : العراق العظيم
العمل/الترفيه : الشعر والكتابة والقراءة الغناء
تاريخ التسجيل : 19/02/2008
 |  موضوع: ابوذيات و دارميات للعيونك  الجمعة فبراير 29, 2008 7:59 am | |
|
ابوذيات و دارميات للعيونك
عليك الروح بنص الليل ونت
لان برغي القلب مفتوح والنت
ادور عليك بالقاعات والنت
وينك يا حلو بس رد عليه
خلص دمعي بغيابك دمعة دمعة
وتظل دش لحياتي صافي دمعة
كل الناس طابوكة بس انت دمعة
وفدوة يروحلك حتى الثرية
اجه ضيم الجديد وضيم غطني
بتسع ارماح جوه الضلع غطني
حبيبي اشاه اجاني البرد غطني
بشعرك نص عليك ونص عليه
القهر ماعفت احزانه منهوانه
اوبعد شيشيل جتفي منهوانه
غديت ايظيج خلكي منهوانه
الفلا ظنيت خلكي ايظيج بيه
شمالك ياضعن بهواي شتيت
انا بناري وفكر بيك شتيت
اذا انت بقميص الصيف شتيت
انا مصلخ شتاك المر عليه
الطالبات انجوم وانتي گمرهن ... لشوفتج فدوه يروح عمري وعمرهن
يا حلوة الحلوات نتلاكه يمته ... هو العمر شيفيد من يكضي سكته
اول اريدج دوم عالصف تطلعين ... وحالف قصيده اهديج كلما تنجحين
هاج الكلب اخذيه دفتر للدروس ... وعيوني من تقرين سويها فانوس
كل عقلك اني اندار عنك واصد غاد؟ *** بس انوي اريد انساك تهجرني بغداد
اصفن واحاجي الروح وين احنه جنه *** هم ترجع الايام ويلتم شملنه ؟؟؟
لو تدري من فرگاك شنهي الجرالي *** جثه وبديك الروح صدگ يغالي
اسمع ونين الگلب شوف شكثر مهموم *** فوگ السهر والضيم من شوفتك محروم
ابجي واذب حسرات عالفاركوني *** مدري التهو بالغير مدري نسوني
اشلع رموش العين واكتب حروفك *** وانطي العمر باقساط بس كون اشوفك
شتان بين الوكع وبين الحمل كون *** وبغداد تبقة الشذر مابين العيون
كل النسوان بالكون الهن سعرهن *** بس يبقن العراقيات ماكو مثلهن
كون انگلب طلقات وادخل ابگلبك *** واكتب على الشريان دمرني حبك
شسويت انه ياهواي وشنهي الاذيه *** تتركني يالمحبوب وتضحك عليه
بالغربة لا تبقى ترة كلهم عگارب سود *** يبقى العراق الابي ولابد اليه نعود
ليش الزمن غدار حت ويه الاوطان *** خلة الوطن مسجون ويحرسه امريكان
تدري بوطنه شلون مرتفعه الاسعار؟ *** بس البشر بالكاع حاجه بربع صار
من غبت دمعي عليك سويته هوسه **** اتحاسب انى وياك كل دمعه بوسه
باوعت من بعيد وينك حبيب الروح *** تاليها بالدفرات تدفعني وتروح
شنهي اتكلي شبيك مبدل علينة *** لا تنسى عمي شبيك روحك بدينة
عاشرت ماخليت حتى اليرضعون *** يحلفلي با القرأن ومن يكبر يخون
مثل الگمر والليل اني وحبيبي ... حبه سكن بالروح دمر گليبي
العراقي الاصيل
| |
|
Desert Fox
مشرف عام
عدد الرسائل : 95
العمر : 41
تاريخ التسجيل : 17/02/2008
| | موضوع: رد: ابوذيات و دارميات للعيونك الإثنين مارس 03, 2008 2:48 pm | |
| عاشت ايدك حبي على الابوذيات الحلوة | |
|
العراقي الاصيل
مشرف منتدى الشعر
عدد الرسائل : 138
العمر : 39
الموقع : العراق العظيم
العمل/الترفيه : الشعر والكتابة والقراءة الغناء
تاريخ التسجيل : 19/02/2008
| | موضوع: رد: ابوذيات و دارميات للعيونك الأحد مارس 09, 2008 8:34 am | |
| ندالل مشكوور على مروورك الطيب ورده نورتنااا | |
|
