صاحبي

صاحبي بسالك بالله قلي وش جنيت................يوم جازيت الوفاء بالخيانه والطعون



انت تدري بالخيانه ولا عمري سعيت.................كيف قلبك طاوعك بالخيانه يافتون



بعت انا لرضى عيونك حبايب وشتريت............عينك اللي وقتها كنت تسوالك عيون




كنت انام بداخل حشاك لامنك طريت...........ولانسيت اطريك بحشاي وصحابك جنون




كنت اعدك في عيوني قصيده بيت بيت.............هي مجلد هي دواوين هي عدة متون




وان غلطت بكلمتك قلت عفويه سهيت..........يابعدعمري على العمر ياعمري تمون




لازعل غيرك امن الناس وانت اللي رضيت....وش علي امن الملا والعواذل يقعدون




كم شكيت لنجمة الصبح منك كم شكيت...........صدق من قال الغدر بالمحبه مايهون




وش عطيت امن المحبه وقلي وش عطيت........انت يومني اصونك علامك ماتصون




الصراحه عند مثلك بقول او ماكفيت...........مثل ماقالوا هل العرف من خانك يخون




خابرينك والسوالف ترى كيت(ن)وكيت..........أثر قلبك فندق(ن)كل يوم(ن)له زبون




جاهل(ن)مالك ندامه لقربك ماعنيت............والسلامه بالمخاطب جواب الجاهلون




القلوب اتغيرت ان دريت او مادريت...............والمحبه عند شرواك لا يمكن تكون




ولا انا وجدي على اللي إليامني لفيت........واحد(ن) بالحب مخلص وقلبه لي حنون




كامل(ن)والكامل الله ويرسي لارسيت...........بالوصايف كامل وبالمحبه لي يصون




احمدالله مخلص(ه)لا جحدت ولا نسيت...............لكن الانذال للطيب دايم يجحدون




مامسكت المصحف بسورة الكهف وقريت.........ان ياجوج وماجوج هم المفسدون ?